နေ့စဉ်သတင်းလွှာ
Thursday, October 29, 2026
ဧရာဝတီ
ဧရာဝတီရဲ့ နေ့စဉ်သတင်း အစီအစဉ်ကနေ အောက်တိုဘာ ၂၈ ရက်နေ့ နောက်ဆုံးရ သတင်းတွေကို တင်ဆက်ပေးသွားတာ ဖြစ်ပါတယ်။
စစ်အာဏာသိမ်းပြီးနောက် သေဆုံးခဲ့ရသူတွေရဲ့ အမည်တွေ ရေးထိုးထားတဲ့ ပုဝါကို ကုလသမဂ္ဂအစည်းအဝေးမှာ ကိုင်မြှောက်ပြသရင်း မြန်မာသံအမတ်ကြီး ဦးကျော်မိုးထွန်းက မျက်ရည်ဝဲကာ “ဒီပုဝါပေါ်မှာ ထပ်တိုးလာမယ့် နာမည်တွေကို ကျနော် မဖတ်ချင်တော့ပါဘူး” လို့ ပြောဆိုခဲ့ပါတယ်။
အမေရိကန်နိုင်ငံမှာ ကြားဖြတ်ရွေးကောက်ပွဲကို နို၀င်ဘာ ၃ ရက်နေ့မှာကျင်းပတော့မှာပါ။ ဒီကြားဖြတ်ရွေးကောက်ပွဲမှာ အထက်လွှတ်တော်က ၃၅ နေရာ နဲ့ အောက်လွှတ်တော်အတွက် ၄၃၅ နေရာကို ဝင်ရောက်ယှဉ်ပြိုင်ကြရမှာ ဖြစ်ပါတယ်။
လင်းသစ်
အာရက္ခတပ်တော် (AA)က စစ်တွေနှင့် ပေါက်တော ငပြီကျွန်းတိုက်ပွဲများ ပြင်းထန်နေချိန် အောက်တိုဘာ ၂၆ ရက်က ကုလားတန်မြစ်ဝ၌ စစ်သင်္ဘော ၃ စီးကို ဖျက်ဆီးလိုက်ရာ တလအတွင်း စုစုပေါင်း ၆ စီး ဖျက်ဆီးနိုင်ခဲ့ကြောင်းသိရသည်။
ဗလီတာဝန်ခံ ဦးလှထွေးနှင့် ဦးစိုးသိမ်းတို့ ဖမ်းဆီး တရားစွဲဆိုခံခဲ့ရသလို ဗလီဝတ်ကျောင်း တော်၏ ဓာတ်ပုံအား ရှာဖွေပုံစံဖြင့် သက်သေတင်သွင်းခဲ့ခြင်း ဖြစ်သည်။
အာဏာသိမ်းအစိုးရက အမျိုးသမီးစစ်မှုထမ်းအတွက် တရားဝင်ခေါ်ယူခြင်းမရှိသေးဘူးလို့ ငြင်းဆိုထားပေမယ့် မြေပြင်မှာတော့ စစ်မှုထမ်းသက်အကျုံးဝင်တဲ့ အမျိုးသမီးတွေဟာ ခေါ်ယူရာမှာ မပါဖို့ အတွက် ငွေပေးနေရပြီလို့ စစ်မှုထမ်းအရေး ကူညီပေးနေသူတွေအပြင် စစ်လော်ဘီတွေကပါ ထုတ်ပြောလာကြပါတယ်။
မကြာသေးမီက ဒေါ်အောင်ဆန်းစုကြည်အား ၎င်း၏ရှေ့နေတဦးနှင့် တွေ့ဆုံခွင့်ပြုခဲ့ပြီး နေအိမ်မှ အဝတ်အစားများ မှာယူခဲ့ကြောင်း သတင်းများ ထွက်ပေါ်နေသော်လည်း ရှေ့နေအဖွဲ့နှင့် နီးစပ်သူများက ထိုသတင်းများကို ငြင်းဆိုထားသည်။
နေပြည်တော် စစ်အစိုးရရဲ့ အလုပ်သမားရေးဝန်ကြီး မင်းကင်းမောင်မြင့်က ပြည်ပရောက်မြန်မာအလုပ်သမားတွေ အခွန်နဲ့ လစာငွေ ၂၅ ရာခိုင်နှုန်းကို ပြန်မပို့လို့ နိုင်ငံတော်က လွှတ်ရကျိုးမနပ်ဘူးလို့ ပြောပါတယ်။
လွတ်လပ်သတင်းမီဒီယာကို ထောက်ပံ့ပါ
သင့်အလှူငွေက ဧရာဝတီကို ဆက်လက်ရပ်တည်နိုင်စေပါသည်
The Irrawaddy · Chiang Mai, Thailandစာရယူခြင်းပယ်ဖျက်ရန် · ကိုယ်ရေးအချက်အလက်ပြင်ရန် · မိတ်ဆွေထံပို့ရန်
No comments:
Post a Comment